Astana qalasynyń ákimi Jeńis Qasymbek LRT qurylysynyń jobasyn tanystyryp, onyń iske qosylýyna taǵy eki jyl kerek ekenin aıtty, dep habarlaıdy Egemen.kz.
Ákimniń aıtýynsha, byltyr sheshim qabyldanyp, bıyl LRT qurylysyn jalǵastyrý maqsatynda taǵy 500 mlrd teńge bólindi. Osy kúnge deıin $600 mln jaratyldy. Qurylysty tolyq aıaqtap, birinshi jelini qosý úshin áli 2 jyl ýaqyt qajet.
Jospar boıynsha, birinshi kezekte 8 stansııa qosylyp, 5 poıyz paıdalanýǵa beriledi. Munyń barlyǵyna joǵaryda aıtylǵan 500 mlrd teńge kerek, onyń jartysy jaratylyp qoıǵan.
«Jobany iske asyrý boıynsha ártúrli pikirler men kózqarastar bar. Ǵylymı turǵydan alǵanda, halqy 2 mıllıon nemese 1,5 mıllıonnan asatyn qalada jelilik qoǵamdyq kólik bolýy kerek. Ol jerasty nemese jerústi kóligi bolsyn. Sondyqtan meniń jeke pikirim, bolashaqta megapolıste mundaı kólik bolýǵa tıis. Al biz 2030 jylǵa qaraı elorda halqy 2 mıllıonǵa jetedi dep boljap otyrmyz», dedi Jeńis Qasymbek BAQ ókilderiniń saýalyna jaýap bere otyryp.