Qazaqstannyń birqatar óńirinde jel, shańdy daýyl men aptap ystyq bolady. Osyǵan qaraı elorda men eldiń 11 óńirinde órt tutaný qaýpi joǵarylaıdy, dep habarlaıdy Egemen.kz «Qazgıdromet» RMQ-ǵa silteme jasap.
Astanada 2-3 shildede órt tutaný qaýpi joǵary.
Batys Qazaqstan oblysynyń soltústik, shyǵysynda kún kúrkireıdi, kúndiz burshaq jaýady. Ońtústikten soqqan jel batysqa aýysyp, ekpini 15-20 m/s jetedi. Oralda 2 shildede kún kúrkirep, naızaǵaı oınaýy yqtımal.
Qaraǵandy oblysynyń ońtústigine shyǵystan, ońtústik-shyǵystan jel soǵady, jyldamdyǵy 18 m/s jetedi. 36 gradýs ystyq bolady. Oblystyń ońtústiginde tótenshe órt qaýpi saqtalady.
Soltústik Qazaqstan oblysynyń ońtústik-batysynda, kúndiz oblystyń kóp bóliginde ońtústik-shyǵystan jel soǵady, ekpini – 15-20 m/s, batysynda 23 m/s jetedi. 2-3 shildede órt tutaný qaýpi joǵary. Petropavlda 2 shildede kúndiz ońtústik-shyǵystan jel turyp, jyldamdyǵy 15-20 m/s bolady. 2-3 shilde kúni órt tutaný qaýpi joǵary.
Atyraý oblysynyń soltústik, shyǵys pen ońtústiginde kún kúrkirep, naızaǵaı oınaıdy. Ońtústik-batystan, túnde shyǵystan soqqan jeldiń jyldamdyǵy – 15-20 m/s. 2 shilde kúni oblystyń soltústik, shyǵysynda tótenshe órt qaýpi saqtalady. Atyraýda 2 shilde kúndiz kún kúrkireıdi. Ońtústik-batystan soqqan jeldiń ekpini 15-18 m/s bolady.
Jetisý oblysynyń Alakól kólderi aýmaǵynda soltústik-shyǵystan jel turyp, ekpini 17-22 m/s bolady. 2-3 shildede oblystyń kóp bóliginde 35-38 gradýs aptap ystyq bolady. Taldyqorǵanda 2-3 shilde kúndiz 35-37 gradýsqa deıin qatty ystyq bolýy múmkin.
2 shilde kúndiz Ulytaý oblysynyń soltústik jáne ortalyǵynda shyǵystan, ońtústik-shyǵystan jel turady, ekpini – 18 m/s. Kúndiz oblystyń kóp bóliginde 35-38 gradýs aptap ystyq bolýy múmkin. 2 shildede oblystyń ońtústiginde órt tutaný qaýpi bolady. Jezqazǵanda 2 shilde kúndiz shyǵystan, ońtústik-shyǵystan jyldamdyǵy 18 m/s jel turýy múmkin, 35-36 gradýs qatty ystyq bolady.
2 shilde túnde Aqtóbe oblysynyń soltústiginde nóser jańbyr jaýady. Oblystyń soltústik, batys, ortalyǵynda kún kúrkirep, burshaq jaýyp, daýyl soǵady. Túnde oblystyń ońtústik, batys, soltústik, kúndiz shyǵys, ońtústigine ońtústik-batys, batystan jyldamdyǵy 17-22 m/s jel soǵady. Oblystyń ońtústiginde tótenshe órt qaýpi saqtalady. Aqtóbede 2 shildede kún kúrkirep, naızaǵaı oınaýy múmkin.
Qyzylorda oblysynyń soltústik, batys jáne ortalyǵynda kún kúrkireıdi, daýyl soǵady. Soltústik, batys pen ortalyǵynda batystan jel soǵyp, ekpini 15-20 m/s bolady. Kúndiz 40 gradýsqa deıin aptap ystyq bolýy múmkin. Oblystyń batys, shyǵysynda tótenshe órt qaýpi, oblys ortalyǵynda joǵary órt qaýpi saqtalady. Qyzylordada 2 shilde kúndiz kún kúrkirep, batystan 15-20 m/s jel soǵady. Kúndiz 40 gradýs aptap ystyq bolýy múmkin. 2 shildede órt tutaný qaýpi joǵary.
Abaı oblysynyń ońtústik-batysynda 2 shilde kúndiz soltústik-shyǵystan jel soǵady, jyldamdyǵy – 15-18 m/s. Oblystyń soltústik-batys, ońtústiginde joǵary órt qaýpi saqtalady.
Túrkistan oblysynyń soltústik, batysynda shańdy daýyl soǵýy múmkin. Tańerteń jáne kúndiz soltústik, batys jáne taýly aımaqtarynda soltústik-shyǵystan jel turady, ekpini – 15-20 m/s. Kúndiz oblystyń shóldi aımaqtarynda 41 gradýsqa deıin aptap ystyq bolady. 2 shildede oblystyń kóp bóliginde tótenshe órt tutaný qaýpi bar. Shymkentte 2 shildede tótenshe órt tutaný qaýpi saqtalady. Túrkistanda 2 shilde kúndiz 41 gradýs qatty ystyq bolady. Tótenshe órt qaýpi saqtalady.
2 shilde túnde Shyǵys Qazaqstan oblysynyń shyǵys, ońtústiginde kún kúrkireıdi, soltústiginde tuman bolady. Oblystyń shyǵys, ońtústiginde 15-20 m/s soltústik-batystan, soltústikten jel soǵady.
Aqmola oblysynda ońtústik-shyǵystan jel soǵady, kúndiz soltústik pen batysta ekpini 15-20 m/s jetedi. Kúndiz oblystyń ońtústigi men batysynda 35-37 gradýs qatty ystyq bolýy múmkin. 2-3 shildede oblystyń ońtústigi men batysynda órt tutaný qaýpi joǵary.
2 shilde túnde Mańǵystaý oblysynyń batys, soltústik, shyǵys bóliginde kún kúrkirep, naızaǵaı oınaýy múmkin. Oblystyń batysynda túnde jáne tańerteń tuman túsedi. Batysy, soltústigi men shyǵysynda batystan 15-20 m/s jel turady. Oblystyń kóp bóliginde tótenshe órt qaýpi saqtalady.
Aqtaýda 2 shilde túnde jáne tańerteń tuman túsedi. Tótenshe órt qaýpi saqtalady.
2 shilde tańerteń jáne kúndiz Qostanaı oblysynyń batys, soltústik, ońtústiginde kún kúrkirep, burshaq jaýýy múmkin. Ońtústik-shyǵystan soqqan jeldiń jyldamdyǵy kúndiz 15-20 m/s jetedi. Kúndiz oblystyń ońtústiginde 36 gradýs qatty ystyq bolady. Oblystyń ońtústiginde tótenshe órt qaýpi saqtalady.
Qostanaıda ońtústik-shyǵystan jel soǵyp, kúndiz ekpini 15-20 m/s jetedi.