Jetisý oblysynda jalpy quny 7 mln teńgeden asatyn baqylaý belgileri joq temeki ónimderi tárkilendi. Ustalǵan azamatqa qatysty sotqa deıingi tergep-tekserýdi QMA Jetisý oblysy boıynsha departamenti júrgizip jatyr, dep habarlaıdy Egemen.kz Qarjylyq monıtorıng agenttigine silteme jasap.
Júk kóligin tekserý barysynda jalpy quny 7 mln teńgeden asatyn 10 myńnan astam qorapty quraıtyn tirkeý jáne baqylaý belgileri joq temeki ónimderi tabylyp, tárkilendi.
Qazirgi ýaqytta temekiniń shyǵý tegi anyqtalyp jatyr. Sotqa deıingi tergeý jalǵasýda.
QR QPK 201-babyna sáıkes, tergeý múddesin kózdeıtin ózge málimetter jarııalanbaıdy.
QR Konstıtýsııasynyń 77-babynyń 3-tarmaǵynyń 1-tarmaqshasyna jáne QR Qylmystyq-prosestik kodeksiniń 19-babynyń 1-bóligine sáıkes, qylmystyq quqyq buzýshylyq jasaýdaǵy kinási sottyń zańdy kúshine engen úkimimen belgilengenge deıin árkim kinásiz dep esepteledi.