Ulttyq statıstıka bıýrosy el azamattarynyń sany týraly naqtylanǵan málimetterdi usyndy, dep habarlaıdy Egemen.kz.
Vedomstvo usynǵan derekterge qaraǵanda, 2023 jylǵy 1 maýsymdaǵy jaǵdaı boıynsha el halqynyń sany 19 879 003 adamdy qurady.
Jyl basynan beri el halqynyń sany 112 myń adamǵa ósti, onyń 105 myńy tabıǵı ósim esebinen bolsa (týylǵandar sany ólgender sanynan asty), 6,9 myń adam – kóship kelgen azmattar.
О́ńirler arasynda eń kóp halyq sany Almaty qalasynda – 2 185 596 adam. Halyq sany boıynsha Túrkistan oblysy ekinshi orynda tur – 2 132 208 adam, Almaty oblysy alǵashqy úshtikti – 1 516 506 adammen túıindedi.
Astana halyq sany boıynsha tórtinshi orynda – 1 376 528 adam, Jambyl oblysy besinshi orynda – 1 222 093 adam.
Halyq sanynyń eń joǵary ósimi Almaty (+23 694 adam), Astana (+21 972) qalalarynda jáne Túrkistan oblysynda (12 982) baıqaldy.
Halyq sany Soltústik Qazaqstan (-977 adam), Shyǵys Qazaqstan (-425 adam) jáne Qostanaı oblystarynda (-374) azaıdy.
Aıta keteıik, Qazaqstan halqy 2022 jyly 261 845 adamǵa ósti.