Astananyń 25 jyldyǵyna oraı Saryarqa, Esil jáne Almaty aýdandarynda asyq oınaıtyn alańdar ashyldy, dep habarlaıdy Egemen.kz. elorda ákimdiginiń baspasóz qyzmetine silteme jasap.
Saryarqa aýdanyndaǵy Gúlder saıabaǵynda ornalasqan alańnyń ashylý saltanatyna aýdan ákimi Baýyrjan Eraly, Parlament depýtaty Aıdarbek Qojanazarov, Asyq atý federasııasynń ókilderi men oıyn sheberleri qatysty. «Bárimiz bala kezimizde asyq oınadyq. Qazir telefon, gadjet túrleri damyǵan zamanda balalardy asyq oınaýǵa úıretýimiz kerek. Bul alań «Respublica» partııasynyń bastamasymen ashylyp otyr. Asyq barlyq jastaǵy adamǵa qoljetimdi oıyn. Jańa alańdar arqyly elordada asyq oınaıtyn jastar qaýymy qalyptasady dep úmittenemin», dedi Saryarqa aýdanynyń ákimi Baýyrjan Eraly.
Bul alańnyń ereksheligi – asyq tarıhy jáne oıyn túrleri men erejeleri týraly maǵlumatty arnaıy engizilgen QR-kod arqyly bilýge bolady.Ashylý saltanatynda qatysýshylar kezek-kezek asyq oınady. Asyq atýdan Qazaqstan chempıony 16 jastaǵy Arýjan Jaqypbek te óz ónerin kórsetti.«Men asyqty 4-synyptan beri oınaımyn. Úıde tek men ǵana osy sport túrine qyzyqtym. Osy ýaqytqa deıin túrli jarystarǵa qatysyp, júldeli oryndarǵa ıe boldym», dedi elordalyq Arýjan Jaqypbek.