Búgin Qazaqstanda memlekettik mereke - Astana kúni atap ótiledi. Bıyl elimizdiń bas qalasy óziniń 25 jyldyq mereıtoıyn toılaıdy, dep habarlaıdy Egemen.kz.
Aıtýly data kezdeısoq tańdalmaǵan, dál osy kúni 1994 jyly Qazaqstannyń Joǵarǵy Keńesi astanany Almatydan Aqmolaǵa kóshirý týraly sheshimdi maquldady. 1998 jyldyń 6 mamyrynda Qazaqstannyń Tuńǵysh Prezıdenti Nursultan Nazarbaev Aqmolany Astana dep qaıta ataý týraly Jarlyqqa qol qoıdy.
Aıta ketsek, Elorda kúni 10 maýsymda jergilikti deńgeıde atap ótildi. Tek 2006 jyly Astana kúni 6 shildege aýystyryldy.
2008 jyly mereke memlekettik mártebege ıe boldy, sodan beri 6 shilde búkil el úshin demalys kúni bolyp sanalady.
Qazaqstan Prezıdenti Qasym-Jomart Toqaevtyń aıtýynsha, qazir Astana qarqyndy damyp keledi jáne onyń halyqaralyq bedeli de arta tústi. Qazaqstan astanasy álemniń naǵyz dıalog alańyna aınaldy.
«Astana - Otanymyzdyń júregi. Dál osy jerde eń mańyzdy sheshimder qabyldanady. Aldaǵy ýaqytta da solaı bolatynyna senimdimin. Elordamyzdyń bolashaǵy jarqyn», dedi Prezıdent.
Aıta ketsek, bıyl qazaqstandyqtar Elorda kúnine oraı tórt kún – 6, 7, 8 jáne 9 shildede demalady.