Reseı kedenshileri úsh aılyq jolbarys pen arystan kúshikterin Qazaqstanǵa zańsyz áketýge jol bermedi, dep habarlaıdy Egemen.kz.
Ań kúshikterin Astrahan oblysyndaǵy «Qaraózek» ótkizý beketinde jolaýshylar kóligin tekserý kezinde baıqap qalǵan. 60 jastaǵy kólik júrgizýshisi olardy kóliktiń artqy oryndyǵyndaǵy plastık tasymaldaǵyshpen alyp shyqpaq bolǵan.
Alaıda onyń ruqsat qujattary bolmaǵan. Kúshikterdi Sheshenstan Respýblıkasynan satyp alyp, qazaqstandyq jeke haıýanattar baǵyna satýdy josparlaǵan.
«Janýarlar tárkilenip, qolaıly jerde ýaqytsha ustaýǵa beriledi. Kontrabanda faktisi boıynsha qylmystyq is qozǵaý máselesi sheshilip jatyr», dep habarlady RF Federaldy keden qyzmeti.