Búgin Astanada Memleket basshysynyń qatysýymen Elordany damytý máseleleri jóninde keńes otyrysy ótti, dep habarlaıdy Egemen.kz.
«Eń aldymen, búgin aıtylǵan mindetterdi der kezinde ári sapaly oryndaý kerek. Astana bas qala degen ataýǵa laıyq bolýǵa tıis. Astana kórkeıse, búkil elimizdiń eńsesi bıik bolady.
Astana Ádiletti Qazaqstandy qurý jolynda túbegeıli ózgeristerge uıytqy bolýy kerek. Jalpy, qalanyń kúndelikti tynys-tirshiligi udaıy nazarda bolýǵa tıis.
Ákimge qalanyń ahýalyn jaqsy jaǵyna qaraı ózgertý úshin bir jyl ýaqyt beremin. Sizdiń jumysyńyz meniń baqylaýymda bolady. Barlyq qajetti kómekti kórsetemiz. Biraq jumystyń negizgi ózegi – sizdiń qolyńyzda. Tabys tileımin», dedi Prezıdent.