Bilimdegi bylyq

Olardyń qataryna quryl­ǵanyna jyldan asqan Abaı oblysynyń bilim salasy da ilik­keni ókinishti-aq. Oblystyń 6 aýdany boıynsha bilim sala­syn damytýǵa baǵyttalǵan bıýd­jet qarjysynyń talan-taraj­ǵa túskeni áshkerelenip otyr. Bul týraly Abaı oblysy boıyn­­sha Sybaılas jemqorlyqqa qar­sy departament basshysynyń bi­rin­shi orynbasary Rústem Toq­bergenov málimdedi. Bel­­gili bolǵandaı, bul sala­da­­ǵy bylyqtyń etek alýy­na kó­bi­ne mektep dırek­tor­la­ry men esep­shileri, bala­baqsha meń­gerý­shileri, bilim bólim­deriniń bas­shy­lary men mamandary jol berip otyr. Barmaq basty, kóz qys­ty áreketter negizinen kadrlyq máselelerdi sheshý, jalaqyny esepteý, jal­ǵan attestattar berý, taǵy da bas­qa qarajat jymqyrýdyń qulaǵy qyltııatyn sebepterden shyǵady.

Rústem Toqbergenovtiń aı­týyn­­­sha, bilim salasyndaǵy jem­­­­­qorlyq faktileri anyq­tal­ǵan Abaı oblysynyń 6 aýda­­ny bo­ıynsha 3 dırektor, 6 esep­shi, 1 ekonomıstiń isi ásh­kere­le­­nip otyr. Atap aıt­qanda, Semeı q­a­lasynda, Abaı, Aıagóz, Jar­­ma, Kókpekti jáne Úrjar aýdan­­­darynda oryn alǵan. Mem­le­ket qarjysyn ta­lan-tarajǵa salý­dyń jalpy somasy 19,7 mln teń­gege jetken.

Máselen, Jarma aýdandyq sotynyń úkimimen mektepke deıingi mekeme esepshisi 2,4 mln teńge mólsherinde bıýdjet qarajatyn qumǵa sińgen sýdaı etkeni úshin aıyptalyp otyr. Oǵan 2,5 jyl merzimge bas bos­tandyǵynan aıyrý túrindegi jaza taǵaıyndalǵanymen, jas balany tárbıelep otyrǵany eskerilip, jazany óteý merzimi 5 jylǵa shegerildi. Biraq sot úkimi áli zańdy kúshine engen joq. Bilim salasynda sybaılas jemqorlyq faktileriniń tamyr jaıýyna me­keme basshy­larynyń salǵyrttyǵy da se­bep­ bolyp otyr. Qar­jylyq qı­tyr­qylyqtardy onyń qol astyn­daǵy esepshileri júzege asy­ratyndyǵy sonyń bir dáleli. Taǵy da sol, Jarma aýda­nyn­da bilim berý mekemesiniń esep­shisi basshysynyń elek­tron­dyq qol­tańbasy arqyly úıde ju­mys istep, bıýdjet qarajatyn «jutyp qoıǵanyna» ne dersiz?

Jalpy, bilim salasyndaǵy jemqorlyqtyń odan ári de jal­ǵasa bermeýi úshin qandaı qa­dam­dardy qoldanǵan durys? Rústem Toqbergenov bul turǵyda bir­neshe usynysty ortaǵa sal­dy. Aldymen bıýdjettik óti­nimderdi qalyptastyrý úde­risin avtomattandyrý qajet. «So­nymen qatar barlyq bilim be­rý mekemesine arnalǵan býh­galterlik esepti júrgizýdiń bir­yńǵaı júıesin qoldanysqa en­gizý kerektigi baıqalyp tur. Taǵy bir ózekti másele – «jal­ǵan oryndardy» boldyr­maıtyn jumysshy personalyn baqylaýdy avtomat­tan­dy­rý. Bilim basqarmasy­­nyń jany­nan ishki aýdıt qyzme­­tin qurý­dy qolǵa alsaq, sala­da­ǵy sy­baı­lastyqqa tosqaýyl qoıa ala­ty­nymyz anyq», deı­di ­R.Toq­bergenov.

Abaı oblysy