Jibek Qulambaeva Italııada ótken ITF W60 týrnıriniń juptyq synynda jeńimpaz atandy, dep habarlaıdy Egemen.kz.
QR Tennıs federasııasynyń baspasóz qyzmeti málim etkendeı, otandasymyz belarýs tennısshisi Iýlııa Gotovkomen birge kolýmbııalyqtar Djýlıana Lısaraso men Marııa Paýlına Peres Garsııaǵa qarsy oıyn ótkizip, olardy 6:4, 6:4 esebimen tize búktirdi.
Jibek endi juptyq syn boıynsha ITF-tiń 22 tıtýlyna ıe. Buǵan deıin ol W15 jáne W25 sanatyndaǵy týrnırlerde jeńiske jetse, búginde W60 serııasynda alǵash ret jeńiske qol jetkizip jatyr. Rımdegi jetistiginiń arqasynda Qulambaeva juptyq synda WTA-nyń jańartylǵan álemdik reıtınginde ózi úshin rekordtyq deńgeıge kóterilip, 174-shi orynǵa jaıǵasty.
Esterińizge sala keteıik, sáýir aıynyń basynda Qulambaeva Túrkııadaǵy tennıs týrnıriniń absolıýtti chempıony atanǵan edi.