«Qazgıdromet» sınoptıkteri 18 shildede bolatyn qaýipti meteorologııalyq qubylystarǵa boljaý konsýltasııasyn jarııalady, dep habarlaıdy Egemen.kz.
Atmosferalyq frontaldy bólimderdiń ótýimen Qazaqstannyń basym bóliginde turaqsyz aýa raıy saqtalady, eldiń soltústik-batysynda qatty jańbyr jaýady, naızaǵaı oınap, burshaq, daýyl kútiledi.
Tek respýblıkanyń shyǵysynda kún raıy jaýyn-shashynsyz bolady. El boıynsha jel kúsheıedi, túnde elimizdiń soltústiginde shańdy daýyl, soltústik-batysynda tuman kútiledi.
Kúndiz Aqmola, Jambyl, Almaty, Jetisý, Túrkistan, Qaraǵandy, Jambyl oblystarynda, Ulytaý, Abaı Shyǵys Qazaqstan oblystarynyń ońtústiginde 35-41°S qatty ystyq saqatalady, Almaty oblysynyń ortalyǵynda, Jetisý oblysynyń soltústiginde, ońtústiginde, ortalyǵynda óte qatty ystyq (42°S) kútiledi.
Túrkistan, Jambyl, Almaty, Shyǵys Qazaqstan, Pavlodar, Qaraǵandy, Aqmola, Ulytaý, Abaı, Jetisý oblystarynda, Mańǵystaý oblysynyń soltústik-batysynda, ortalyǵynda, ońtústiginde, Qostanaı oblysynyń ońtústiginde, Atyraý oblysynyń batysynda, shyǵysynda, Qyzylorda oblysynyń ortalyǵynda tótenshe órt qaýpi saqtalady.