Qazaqstan sportshysy Nıkıta Chırıýkın ulttyq qurama qorjynyna altyn medal salyp, jasóspirimder arasynda oq atýdan álem chempıony atandy, dep habarlaıdy Egemen.kz Prosports.kz saıtyna silteme jasap.
Sportty damytý dıreksııasy habarlaǵandaı, oq atý boıynsha ulttyq qurama múshesi Nıkıta Chırıýkın Ońtústik Koreıanyń Chanvon qalasynda ótip jatqan jasóspirimder arasyndaǵy álem chempıonatynda jeńiske jetti. Kishi kalıbrli tapanshadan 25 metrge oq atýda oǵan eshkim teńdese almady.
Kúmis medaldi qytaılyq Chjan Jıhao ıelense, qola medaldi koreıalyq Sýk Djın Hýn enshiledi.
Endi bir altyny bar Qazaqstan ulttyq quramasy jalpy esepte segizinshi orynǵa taban tiredi.
Atalmysh álem chempıonaty 25 shildede aıaqtalady. Bıyl jarysqa álemniń 45 elinen 600-den astam sportshy qatysyp, baqtaryn synap jatyr.