Nysana kózdeýden ulttyq qurama sportshysy Nıkıta Chırıýkın Ońtústik Koreıanyń Chhanvon qalasynda ótip jatqan jasóspirimder arasyndaǵy álem chempıonatynda top jardy.
2005 jylǵy Azııa chempıony jáne 2006 jylǵy Azııa oıyndarynyń kúmis júldegeri, búginde jattyqtyrýshy bolyp eńbek etip júrgen Rashıd Iýnýsmetovtiń shákirti Nıkıta Chırıýkın Koreıadaǵy básekede kishi kalıbrli tapanshamen 25 metrden oq atý baǵdarlamasynda óner kórsetip, qarsylas shaq keltirgen joq. Otandasymyzdan keıingi jarystyń júldeli oryndaryn qytaılyq Chjan Chjıhao (kúmis) men jarys qojaıyny Sýk Djın Hong (qola) ıelendi. Bul – Chhanvon qalasynda ótip jatqan chempıonattaǵy Qazaqstan quramasynyń alǵashqy júldesi. Osy kórsetkishpen jerlesterimiz jalpykomandalyq esepte 9-orynǵa kóterildi.
Ońtústik Koreıadaǵy álem birinshiligine jer-jahannyń 45 memleketinen kelgen 600 sportshy túrli tústi júldelerdi sarapqa salyp jatyr. Álem chempıonaty 25 shildede aıaqtalady.