QR Oqý-aǵartý mınıstrliginiń orta bilim komıteti 1-synypqa qujattardy qabyldaý bir aptadan soń, ıaǵnı 2023 jyldyń 1 tamyzynda aıaqtalatynyn eskertti, dep habarlaıdy Egemen.kz vedomstvonyń baspasóz qyzmetine silteme jasap.
Aıta ketsek, ótinish berip úlgermegender qujattardy Egov.kz elektrondy úkimet veb-portaly jáne jergilikti atqarýshy organdardyń aqparattyq júıeleri arqyly tapsyra alady.
Birinshi synypqa balalar 6 jastan bastap ata-anasynyń nemese balanyń zańdy ókiliniń ótinishi negizinde qabyldanady. Sondaı-aq densaýlyq jaǵdaıy týraly qujattar (026/ý-3 nysany jáne 065/ý) jáne 3h4 ólshemdi 2 fotosýret qosa beriledi.
Jalpy, qujattardy qabyldaý naýqany 1 sáýirde bastalǵan edi. Osy ýaqyt ishinde, atap aıtqanda 4 aıda 350 453 ótinish kelip tústi, birinshi synypqa qabyldanǵan balalardyń 71,2%-y qazaq tilinde oqytatyn mektepterdi tańdaǵan.
Aldyn ala boljam boıynsha, jańa oqý jylynda 410 myńnan astam bala birinshi synypqa barady.