Osy kúnge oraı Almaty qalasyndaǵy Ofıserler úıinde saltanatty shara ótti, dep habarlaıdy Egemen.kz QR Qorǵanys mınıstrliginiń baspasóz qyzmetine silteme jasap.
Saltanatty sharaǵa áýe shabýylyna qarsy qorǵanys áskerleriniń basshylyq quramy, áskerı qyzmetshiler, bólim ardagerleri jáne jergilikti atqarýshy organdardyń ókilderi qatysty.
Qatysýshylardy 97617 áskerı bóliminiń komandıri polkovnık Ádil Sýbebaev ataýly kúnmen quttyqtady.
Qurmetti qonaqtar óz estelikterimen bólisip, jeke quramǵa jyly lebizderin bildirip, baǵaly syılyqtar tabys etti.
Bólimniń mereıtoıyna oraı kitap shyǵarylyp, derekti fılm túsirilgen. Onda áýe shabýylyna qarsy qorǵanys brıgadasynyń tarıhyndaǵy mańyzdy kezeńder kórsetildi.
97617 áskerı bóliminiń tarıhy Uly Otan soǵysy jyldarynan bastalǵan eken. 1943 jyldyń mamyr-maýsym aılarynda Rostov oblysynyń joǵarǵy Tarasov stansııasynda Dala maıdanynyń 46-armııasynda 1651-shi ÁShQQ armııa artıllerııalyq polki qurylady. 1943 jyly 25 shildede oǵan polktiń Qyzyl Týy beriledi. Bul kún áskerı bólimniń qurylǵan kúni retinde tarıhta qalǵan.
Polktiń jeke quramy Býdapesht pen Venany azat etýge qatysqan. Soǵystan keıin ol Avstrııadan Chehoslovakııaǵa deıin marsh jasaıdy, onda Neım-Beneshev qalasynda beıbit ýaqyttaǵy jaýyngerlik oqýdy bastaıdy, 1961 jyly polk 97617 áskerı bólimi retinde qaıta qurylǵan eken.
Saltanatty shara barysynda bólimniń mereıtoıyna oraı erekshe kózge túsken áskerı qyzmetshiler men merzimdi qyzmettegi sarbazdarǵa mereıtoılyq medaldar tabystaldy.