Adam quqyn qorǵaý – abyroıly mindet

Kez kelgen quqyq qorǵaý orga­ny­nyń, onyń ishinde prokýratýra qyzmetiniń tıimdiligi onyń qyz­metkerleriniń qyzmettik min­det­terin saýatty jáne sapaly oryn­daý qabiletine tikeleı baıla­nys­ty. Prokýratýra qyzmet­­ker­­leriniń kúrdeli proble­ma­lyq­­ máseleni sheshken nemese qyl­mys­tyq, azamattyq, ákim­shi­lik ister boıynsha kásibılik tanyt­qan isker­lik jáne moraldyq qasıet­te­rin memlekettik organdar men qara­­paıym azamattar joǵary baǵa­laı­­dy. Oǵan kúndelikti ómirden naq­­ty mysaldar jeterlik.

Mysaly, Ulttyq qaýipsizdik komı­te­tiniń basshylyǵy Bas proký­ratýraǵa qylmystyq topty joıý jónindegi arnaıy operasııany­ júr­gizý kezinde kásibılik pen batyl­dyq tanytqan prokýratýra­ organ­darynyń qyzmetkerin kóter­meleý týraly usynys bil­dir­gen­ bolatyn. Sonymen qatar Tal­dyqorǵan qalalyq soty óz usy­ny­synda Jetisý oblysy proký­ra­týrasynyń qyzmetkeri S.A.Dúı­se­­baevtyń qylmystyq is boıynsha jo­ǵary biliktilik kórsetkenin atap­ ótti. Onyń memlekettik aıyp­taýdy belsendi jáne saýatty­ júrgizýi joǵary laýazymdy sheneýnikke qatys­ty ádiletti sot aktisin shyǵa­rý­ǵ­­a septigin tıgizdi.

Kásipkerlerdiń quqyqtaryn qor­ǵaý – prokýratýra organ­da­ry qyzmetiniń basym baǵyt­ta­ry­nyń biri. Memlekettik jáne baqy­laýshy organdar tarapynan zańnamany óreskel buzý jaǵ­daı­laryna jol berilgen kezde zań­dy­ tulǵalar prokýrorlardyń iske jedel aralasýyn qajet etedi. Solardyń qatarynda Bas pro­ký­ratýraǵa «Qazvtormet», «Progress KZ» JShS, «Evrokrýk» JShQ basshylary­nan alǵyshattar ke­lip­ tústi. Olar Astana qalasy proký­ra­týrasy­ men kólik prokýra­tý­ra­synyń qyzmet­ker­le­rin kóter­me­leý­di surady.

Prokýrorlyq qadaǵalaý akti­le­ri­ boıynsha bir kásipkerge Astana qalasy ákimdiginen 12 mln teńge jedel qaıtaryldy. Sonymen qatar Soltústik Qazaqstan kólik proký­ra­týrasynyń qyzmetkerleri reseı­lik kompanııanyń negizsiz ustal­ǵan kóligin qaıtarǵany úshin alǵys­qa ıe boldy. Al kirme joldardy sý basý problemasynyń pro­kýrorlardyń aralasýy arqa­syn­da sheshilýi «Qazvtormet» JShS jumysynyń turaqty jol­ǵa­ qoıylýyna sebepshi boldy. Bu­dan bólek, Bas prokýratýra qyz­met­­kerlerine sottalǵandardan da alǵyshattar kelip túsip jatady.

Jalpy, prokýratýra­ organ­da­rynyń qyzmeti san qyr­ly­­ jáne qarapaıym tur­mys­tyq má­se­le­lerden bas­tap,­ kóptegen adam­dar­dyń quqyq­ta­ryn qoz­ǵaı­tyn­ jappaı zań buzý­­shy­lyq­tar­dy­­ joıýǵa deıingi aýqym­dy is-qımyl­dar­dy qamtıdy. Onyń bári azamat­tar men zańdy tulǵa­lar­dyń ómirlerine tikeleı qa­tys­ty. Máselen, «Jaınaq» shaǵyn aýda­nynyń turǵyndary 4 aıǵa sozyl­ǵan­ elektrmen jabdyqtaý problemalaryn sheshken Almaty oblysy Ile aýdanynyń prokýrorlaryna alǵys bildirgen bolatyn. Sondaı-aq Almaty qalasy Jibek joly jáne Máýlenov kóshelerindegi 4 kóp­­páterli úıdiń turǵyndary da kom­mýnaldyq jabdyqtaý proble­ma­syn sheshken prokýrorlarǵa rıza­shylyq jetkizdi.

Prokýratýra qyzmetker­le­ri­­niń jumystan tys ýaqytta jasa­ǵan­ isteri de azamattardyń nazarynan tys qalǵan joq. Bas prokýratýranyń Quqyqtyq statıstıka jáne arnaıy esepke alý komıtetiniń qyzmetkeri J.Murat «LIDER.KZ» eriktilerimen birge Astana qalasynda joǵalyp ket­ken balany taýyp, ata-anasy­na­ tapsyrǵan bolatyn. Sol sekildi Qostanaı oblysynyń Rýd­nyı qalasynda prokýratýra qyz­met­keri N.Qalman kórshisiniń joǵal­ǵan­ balasyn taýyp berdi.

Jalpy alǵanda, bıyl prokýratýra organdaryna memlekettik mekemelerden, azamattardan jáne zańdy tulǵalardan 128 alǵys hat kelip tústi. Osyǵan oraı, erekshe jetistikterge qol jetkizgen qyzmetkerlerdi Bas prokýror men oblystyq prokýratýra basshylary vedomstvolyq nagradalarmen jáne basqa da kótermeleý sharalarymen marapattady.

Aısulý MAHSEMETOVA,

Qorqyt Ata atyndaǵy Qyzylorda ýnıversıtetiniń 3-kýrs stýdenti