Túrkııanyń Antalııa provınsııasynda bolǵan oqys oqıǵadan keıin aýrýhanaǵa jatqyzylyp, ota jasalǵan qazaqstandyq týrısterdiń biri qaıtys boldy. Aqparatty QR Syrtqy ister mınıstrliginiń resmı ókili Aıbek Smadııarov rastady, dep habarlaıdy Egemen.kz.
«Alanııada jol apatyna ushyraǵan jolaýshylardyń biri aýyr jaraqat saldarynan búgin tańerteń aýrýhanada qaıtys boldy. Marqum qazaqstandyqtyń uly búgin Antalııaǵa keldi, qazir bizdiń dıplomattarmen birge. Oǵan barlyq qajetti kómek kórsetilip jatyr», dedi Aıbek Smadııarov.