«Qazgıdromet» RMK tamyz aıyna arnalǵan aýa raıy boljamyn usyndy, dep habarlaıdy Egemen.kz.
«Jaz mezgiliniń sońǵy aıynda Qazaqstannyń basym bóliginde turaqsyz aýa raıy saqtalady. Atmosferalyq fronttardyń ótýimen naızaǵaı oınap, qysqa merzimdi jańbyr men burshaq jaýyp, ekpindi jel soǵady», delingen boljamda.
Aıdyń birinshi onkúndiginde aýa temperatýrasynyń azdap tómendeýi kútiledi.
Respýblıkanyń soltústiginde, ortalyǵynda, shyǵysynda túnde +10+18°S-tan +12+22°S-qa deıin, kúndiz + 22+30°S- tan 30+35°S-qa deıin, ońtústik oblystarda túnde +18+23°S-tan +20+27°S-qa deıin, kúndiz +28+35 °S-tan +34+42°S-qa deıin ystyq bolady.
Respýblıkanyń batysynda túnde +13+20°S-tan 20+25°S-qa deıin, kúndiz +25+30°S-tan +33+41°S-qa deıin aýa temperatýrasynyń shamaly aýytqýy kútiledi.
Ońtústik-batysta túnde +20+25°C-tan +25+30°C-qa deıin, kúndiz aýa temperatýrasy +30+40°C shamasynda saqtalady.
Aýa temperatýrasy soltústik oblystarda túnde +8+15°S-tan +13+20°S-qa deıin, kúndiz +17+25°S-tan +23+30°S-qa deıin ystyq bolady.