Brazılııada álem boıynsha eń qart adam retinde tanylǵan Seý Joze Paýlıno Gomes qaıtys boldy, dep habarlaıdy Egemen.kz.
G1 portalynyń jazýynsha, 1895 jyly 4 tamyzda dúnıege kelgen er adam 28 shildede Mınas-Jeraıs shtatyndaǵy Pedra Bonıta qalasynda 127 jasynda qaıtys boldy.
Seý Joze Paýlıno Gomes ǵumyr boıy mal sharýashylyǵymen aınalysqan, atqa minýdi unatqan. Kárilik kezeńinde aǵzanyń tabıǵı túrde álsireýine baılanysty ol atqa minýdi tórt jyl buryn ǵana tastaǵan eken.
Endi álemdegi eń qart adam - 116 jastaǵy Marııa Branas Morera esimdi ıspanııalyq.