Abaı oblysy Aqsýat aýdanynda qazaq kúresinen ótip jatqan «Tuǵyry bıik Tarbaǵataı» dep atalatyn Yrǵyzbaı Doshanauly atyndaǵy 10-shy halyqaralyq týrnırinde úsh qazaqstandyq sportshy chempıon atandy, dep habarlaıdy Egemen.kz.
Osymen 10-ynshy ret uıymdastyrylyp otyrǵan atalmysh baıraqty báseke bıylǵy jyly halyqaralyq deńgeıge shyqqan. Oǵan Qazaqstannan bólek álemniń 15 elinen balýandar qatysyp jatyr.
74, 90 jáne 100 keliden joǵary túıe balýandardyń bozkilemdegi beldesý fınaldarynda qazaqstandyq balýandar chempıon atandy. Atap aıtqanda, 74 keli salmaqtaǵy Qýandyq Shadııar men 90 kelide Áset Ahmetjanov asyqtary alshylarynan túsip, altynnan alqa taqty. Al 100 keliden joǵary salmaqta Nurym Sálimgereev Gran-prı jeńimpazy atandy.