Mádenıet jáne sport mınıstrligi jarııalaǵan «Aıboz» ulttyq ádebı syılyǵyna búginge deıin 64 ótinim kelip tústi. Onyń ishinde «Úzdik proza» atalymyna – 26 shyǵarma, «Úzdik drama» – 2 ótinim, «Úzdik poezııa» – 21, «Úzdik ádebı syn» atalymy boıynsha – 1 ótinim, «Úzdik ádebı aýdarma» – 4, «Úzdik balalar ádebıeti» – 8, «Úzdik komıks» – 2 ótinim.
Eske sala ketsek, ádebı syılyqtyń jalpy júlde qory – 35 mln teńge. Ár atalymǵa 5 mln teńgeden bólingen.
Úmitkerlerdiń ótinimi 2023 jylǵy 1 mamyr – 1 qyrkúıek aralyǵynda www.aiboz.kz saıty arqyly qabyldanady. Ádebı syılyq jyl sońynda tabystalady. Baıqaýǵa otandyq qalamgerler qatysa alady jáne úmitkerlerdiń jas ereksheligine shekteý joq.
««Aıboz» – otandyq qalamgerlerge memleket tarapynan qoldaý kórsetý jáne yntalandyrý maqsatynda Mádenıet jáne sport mınıstrligi uıymdastyratyn ulttyq ádebı syılyq. Baıqaýǵa buryn-sońdy esh jerde jarııalanbaǵan shyǵarmalar ǵana qabyldanady. Bul qazaq ádebıetiniń qory 7 atalym boıynsha júzdegen jańa týyndymen tolyǵady degen sóz. Sondaı-aq qalamgerler arasynda báseke paıda bolyp, sonyń nátıjesinde oqyrmanǵa ózekti, qyzyqty ári zamanaýı shyǵarmalar jol tartady», dedi MSM Arhıv, qujattama jáne kitap isi komıteti Kitap isi basqarmasynyń basshysy Almaz Myrzahmet.