Qytaıdyń Chendý qalasynda ótip jatqan Jazǵy ýnıversıadanyń kezekti kúninde el qorjynyna taǵy eki qola medal tústi.
Bul joly ý-shý sportynyń ókilderi jeńis tuǵyrynan kórindi. 60 kılo salmaqta óner kórsetken jerlesterimiz – Beksultan Qoskenov pen Áıgerim Tórehanova jarystyń jartylaı fınalyna deıin jetip, Ýnıversıadanyń qola júldegerleri atandy.
Erler arasyndaǵy saıysta baq synaǵan Beksultan Qoskenov jartylaı fınalda qytaılyq Ma Iıgýdiń osal tusyn taba almasa, Áıgerim Tórehanova túrkııalyq Berne Týtten jeńilip qaldy.
Osylaısha, Qazaqstan quramasy kezekti qos qola medalden keıin jalpykomandalyq esepte 13 júldemen TOP-20 eldiń qatarynda keledi. Qytaıdaǵy Jazǵy ýnıversıada saıystary 8 tamyzǵa deıin jalǵasady.