QazIndustry Qazaqstandyq ındýstrııa jáne eksport ortalyǵynyń habarlaýynsha, otandyq ónerkásip kásiporyndarynan shyǵyndardyń bir bóligin óteý jóninde 200-ge jýyq ótinim kelip túsken. 64 ótinim ishki naryqqa ónimder men qyzmetterdi ilgeriletýge qatysty bolsa, 132 ótinim – eńbek ónimdiligin arttyrý jaıynda.
Memlekettik yntalandyrý sharalaryn iske asyrǵan 6 aı ishinde QazIndustry qazaqstandyq kásiporyndardyń 94 mln teńgeden asa qarajatqa shyǵyndaryn óteýge qolǵabys etken. О́tinimderdiń basym bóligi Almaty, Shymkent, Astana, Qaraǵandy jáne Aqtóbe oblystarynan kelgen. Salalar boıynsha jeńil ónerkásip, mashına jasaý jáne agroónerkásip kesheni sektoryndaǵy kásiporyndardan ótinish kóp túsken.
Bıylǵy qańtar-maýsym aralyǵynda ortalyq mamandary kásiporyndardyń shyǵyndaryn óteý tetikterin túsindirýge qatysty 200-den asa konsýltasııa, sondaı-aq ashyq esik kúnderi jáne kásiporyn ókilderimen kezdesýler ótkizgen. Buǵan qosa óńirlerde kóshpeli semınarlar men vebınarlar da uıymdastyrylyp turady.
QazIndustry ındýstrııa jáne eksport ortalyǵy kásiporyndardyń eńbek ónimdiligin arttyrýǵa jáne ónimdi ishki naryqqa jyljytýǵa jumsaǵan shyǵyndarynyń bir bóligin óteýge járdemdesip keledi. Memlekettik yntalandyrý sharalary týraly tolyq aqparatty ortalyqtyń saıty arqyly «bıznesti yntalandyrý» bóliminen bilýge bolady. Sonymen birge ashyq esik kúnderi de udaıy ótkiziletinin aıta keteıik.