Memleket basshysy Qasym-Jomart Toqaev Halyqtyń áleýmettik jaǵynan osal sanattarynyń quqyqtary jónindegi ýákil Svetlana Jaqypovany qabyldady, dep jazady Egemen.kz Aqorda baspasóz qyzmetine silteme jasap.
Kezdesý barysynda halyqtyń turmys sapasyn arttyrý jáne áleýmettik qamsyzdandyrý júıesin ınstıtýttyq deńgeıde jańǵyrtý máseleleri talqylandy.
Qasym-Jomart Toqaev Svetlana Jaqypovaǵa halyqtyń áleýmettik jaǵynan osal toptarynyń quqyqtaryna kepildikter men olardyń zańdy múddelerin qamtamasyz etý jóninde birqatar tapsyrma berdi.
Atap aıtqanda, Prezıdent kópbalaly analar, jalǵyzbasty analar jáne múgedek balalardy tárbıelep otyrǵan analar sekildi áleýmettik sanattaǵy top ókilderimen proaktıvti jumys isteý, sondaı-aq zańnama aıasynda olardyń quqyqtary men múddeleriniń saqtalýyna qatań baqylaý júrgizý qajettigin aıtty.
Prezıdent múgedektigi bar adamdardyń máselesin sheshýge aıryqsha nazar aýdaryp, osy sanatqa jatatyn otandastarymyzdyń turmys sapasyn jaqsartýǵa múmkindik beretin zańnamalyq jáne ınstıtýttyq bazany jetildirýge qatysty usynystar ázirleýdi tapsyrdy.
Kezdesý sońynda Prezıdent usynylǵan tásilderdi tıimdi júzege asyrý úshin Ýákildiń memlekettik organdarmen jáne azamattyq qoǵam ınstıtýttarymen tyǵyz qarym-qatynasta jumys isteýi mańyzdy ekenin atap ótti.