Tennısten elimizdiń birinshi, álemniń 28-raketkasy Aleksandr Býblık Kanadanyń Toronto qalasynda shymyldyǵy túrilgen ATR 1000 sanatyndaǵy týrnırdiń alǵashqy aınalymynda jeńilip qaldy.
Júlde qory 6,6 mln AQSh dollaryn quraıtyn jarystyń alǵashqy aınalymynda otandasymyz eń yńǵaısyz qarsylas, polshalyq Hýbert Gýrkachpen sheberlik baıqasty. Býblık osy týrnırge deıin álemdik reıtıngte 17-orynda turǵan tennısshimen kortta alty márte kezdesip, sonyń beseýinde qarsylasyna jol bergen. Tek bir ǵana matchta Aleksandrdyń mereıi ústem bolǵan. Eki tennısshi arasyndaǵy jetinshi básekede de polıak tennısshisiniń baǵy janyp, eki setke jalǵasqan matchta Gýrkach 6:3, 7:6 (7:2) esebimen myqtylyq tanytty. Endi A.Býblık Torontodaǵy jarysty juptyq synda jalǵastyrady.
Sondaı-aq Kanadanyń Monreal qalasyndaǵy WTA 1000 týrnırine arnaıy shaqyrtý alǵan Iýlııa Pýtınseva keshe keshkisin alǵashqy aınalymdaǵy birinshi oıynyn álemniń 53-raketkasy, amerıkalyq Bernarda Peramen ótkizdi. Áıelder arasyndaǵy elimizdiń birinshi raketkasy E.Rybakına osy týrnırdiń úshinshi aınalymyna shyǵý úshin búgin tańda amerıkalyq Djennıfer Bredımen synǵa tústi.