Elimizde «Jastar aptalyǵy» arnaıy is-sharasy bastaldy. Osyǵan sáıkes 7-12 tamyz aralyǵynda respýblıka óńirleriniń barlyq alańdarynda qaıyrymdylyq, volontıorlik jáne ekologııalyq aksııalar, bos oryndar jármeńkeleri, túrli festıvaldar, jastarǵa arnalǵan konsertter men semınarlar ótedi.
Is-sharalar 12 tamyzda atalyp ótetin Halyqaralyq Jastar kúni qarsańynda uıymdastyrylady. Bul týraly Aqparat jáne qoǵamdyq damý mınıstri Darhan Qydyráli málimdedi.Basty maqsat – jastarǵa arnalǵan qoǵamdyq-mádenı, sporttyq is-sharalar uıymdastyrý arqyly ataýly kúnniń qoǵamdyq mártebesin kóterý.
«Jastar aptalyǵy» elimizdiń ár óńirinde «12 ıgi is» qaıyrymdylyq aksııasymen bastaldy. Bul kúnderi jas eriktiler men jastar uıymdarynyń ókilderi qarttar úılerine, balalar úılerine barady; ekologııalyq aksııalar ótkizedi jáne muqtaj jandarǵa kómek kórsetedi.