Almatyda mektepke jetýi qıyn oqýshylardy tasymaldaý úshin 100 mektep avtobýsy satyp alyndy. «Mektep avtobýsy» jobasy qala ákimi Erbolat Dosaevtyń bastamasymen Almatyda alǵash ret júzege asyrylyp otyr. Joba mektepten shalǵaıda turatyn kishkentaı oqýshylarǵa arnalǵan, dep habarlaıdy Egemen.kz.
Almaty qalasy ákimdiginiń málimetinshe, avtobýstar halyqaralyq qaýipsizdik standarttaryna sáıkes keledi, avtobýstarda avarııalyq shyǵý joly, qaýipsizdik beldikteri, múmkindigi shekteýli balalarǵa arnalǵan pandýs bar. Balalar muǵalimniń qaraýymen jáne balalardy tasymaldaý erejelerine sáıkes tasymaldanady.
«Birqatar memlekettik mektepter 1 qyrkúıekten bastap júretin mektep avtobýstarymen qamtylady. 20 oryndyq avtobýstar joldary tar taýlarǵa qaraı júredi. Mektepter baǵyttardy, balalardy alyp ketý ýaqyty men aıaldamalar sanyn ázirlep qoıǵan. 1 balaǵa bir oryn qarastyrylǵan, bári otyryp barady», dedi Bostandyq aýdandyq bilim bóliminiń basshysy Aıgúl Qasymbek.