Memlekettik keńesshi Erlan Qarınniń tóraǵalyǵymen Saıası qýǵyn-súrgin qurbandaryn tolyq aqtaý jónindegi memlekettik komıssııanyń kezekti otyrysy ótti.
Otyrysta Memlekettik komıssııanyń ǵylymı jəne baspa qyzmetiniń nətıjeleri qaraldy, arhıvterdegi zertteýlerden jınalǵan materıaldar zerdelendi, elektrondyq portaldyń jumysy týraly aqparat berildi. Sondaı-aq óńirlik komıssııalardyń jumysy týraly esep tyńdalyp, olardyń ǵylymı jınaqtaryn daıyndaý jónindegi jobalardyń iske asyrylý barysy qaraldy.
Jıynda sonymen qatar Memlekettik komıssııa músheleri arhıvterde júrgizilgen zertteý jumystary barysynda tabylǵan, jazýshy əri aqyn Júsipbek Aımaýytov jazdy delingen «Əzir ólmeımin» («Tez ólmen») shyǵarmasyn tanystyrdy. Shyǵarma Prezıdent Arhıviniń ǵylymı-izdestirý jumystary kezinde tabylǵan bolatyn. Prezıdent Arhıviniń dırektory Ə.Mustafına shyǵarmanyń qalaı tabylǵany jəne oǵan júrgizilgen zertteý jumystary jaıyn da aıtty. Atalǵan shyǵarmany fılologtar men ədebıettanýshylar taǵy da zerttemek.
Otyrys qorytyndysy boıynsha ǵylymı zertteý qyzmetin jalǵastyrýǵa, óńirlik komıssııalardyń materıaldaryn shyǵarýdy júıelendirýge, jabyq qorlardyń materıaldaryn sıfrlandyrý jəne qupııasyzdandyrý jónindegi jumysty qamtamasyz etýge baǵyttalǵan tapsyrma berildi.