Qaraǵandy teatrynyń tartýy

1973 jyly negizi qalanǵan Qaraǵandy akademııalyq mýzy­ka­lyq komedııa teatry bıyl ózi­niń mereıtoılyq 50-maýsymyn aıaq­tady. Osynaý ýaqyt ishinde ujym alys-jaqyn sheteldiń 200-den astam qalasynda bolyp, óz jankúıerlerin tapty. Al bul jolǵy sapar – olardyń «Astana Opera» sahnasyndaǵy úshinshi gastroli.

– Jazda bizge gastrolmen kelý Qaraǵandy akademııalyq mý­zy­kalyq komedııa teatryna dás­túrge aınaldy deýge bolady. Álbette, biz buǵan tek qýanamyz, sebebi mundaı áriptestik bizdiń ujymdarymyz arasyndaǵy máde­nı baılanystardy odan saıyn nyǵaıta túsedi. Bıyl mamyrda teatrymyzdyń opera trýppasy men hory Qaraǵandyda jarqyn gala-baǵdarlama men S.Rahmanınovtiń «Aleko» ope­rasynyń konserttik nusqasyn usynǵanyn da atap ótkim keledi. Endi áriptesterimizdi biz qarsy alǵaly jatyrmyz. Jazǵy demalysta balalarǵa ýaqyttaryn tıimdi ótkizýge jaqsy múmkin­dik týyp otyr, óıtkeni trýppa olarǵa repertýaryndaǵy eń qy­zyqty ertegilerdi kórsetpekshi. Qaraǵandylyq áriptesterimizge jemisti gastrol tileı otyra, kó­rer­menderdiń ystyq yqylasyna bó­lene berińizder degim keledi, – dep atap ótti «Astana Opera» dı­rektory, Qazaqstannyń eń­bek sińirgen qaıratkeri Ǵalym Ahmedıarov.

Elordadaǵy óner kórsetýge as­qan jaýapkershilikpen qaraı­tyn qaraǵandylyq trýppa bul joly da ádettegideı teatr reper­týaryndaǵy eń qyzyqty ári san alýan qoıylymdardy iriktep alý­ǵa tyrysypty. Atap aıtsaq, olar – birtýar I.Kalmannyń «Marısa» operettasy, budan kem túspeıtin taǵy bir tamasha operetta – I.Shtraýstyń mýzykasyna qoıylǵan «Jarqanat» jáne G.Gladkovtyń «Shóp qoryǵan ıt» mýzykalyq komedııasy. Sonymen qatar uıymshyl ujym óziniń kishkentaı kórermenderin de umyt­qan joq, olarǵa «Aladdın» jáne «Bremen mýzykanttary» sekildi eki mýzykalyq ertegini, sondaı-aq «Qar patshaıymy» mıýzıklin kórsetedi.

– Qaraǵandy akademııalyq mý­zy­kalyq komedııa teatry elimiz­degi operetta men mıýzıkl janr­ynda qoıylym qoıatyn birden-bir teatr bolǵandyqtan, trýppamyzdy barlyq óńir asyǵa kútedi desem artyq aıtqandyǵym emes. Alǵash ret bizdiń ujym «Astana Operanyń» keremet sahnasynda 2019 jyly óner kórsetken edi. Araǵa úsh jyl salyp, teatrdyń 50-shi mereıtoılyq maýsymyn da osynda gastrolmen bastadyq. Bul biz úshin úlken mártebe ári qýanysh. О́tken jylǵy saparymyzda da barlyq spektaklder zor tabyspen ótkenin, elordalyq kópshilik bizdi óte jyly qarsy alǵanyn aıta ketýim qajet. Mundaı jetis­tikke trýppanyń talpynysy men shabytynan bólek, «Astana Opera» sahnasynyń tehnıkalyq múm­kindikteri kóp yqpalyn tıgizdi. Teatr sahnasy mýzykalyq teatr­larǵa qoıylatyn barlyq álem­dik talaptarǵa saı. Bul sahnada biz óz spektaklderimizdi múlde jańa qyrynan kórdik. Ártisterimiz de osyndaı keremet sahnada óner kórsetýge jáne elordalyq jan­kúıerlerimen qaıta kezdesýge árdaıym asyq. Olar talǵampaz kórermenderin bul joly da qýan­typ, umytylmas áser syılaý úshin bar kúshin salady, – dep sózin qorytyndylady Qaraǵandy akademııalyq mýzykalyq kome­dııa teatrynyń basshysy, Qazaq­stannyń eńbek sińirgen qaıratkeri Amantaı Ybraev.

Eske sala keteıik, gastroldik sapar baǵdarlamasyna engen qoıy­lymdar «Astana Opera» teatry­nyń Úlken zaly sahnasynda 11-13 tamyz aralyǵynda úsh kún qata­rynan qoıylady.