Alǵashqy oıyndaǵy jeńis

Eýropa lıgasynyń úshinshi irikteý kezeńinde oınap jatqan «Astana» da, «Lýdogores» te bıylǵy Eýrokýbok jarys­ta­ryn óz elderiniń chempıony retinde Chempıondar lıgasy­nan bastaǵan edi. Alaıda atal­ǵan jarystyń ekinshi keze­ńin­de «Astana» Zagrebtiń «Dına­mo­synan», «Lýdogores» Slove­nııa­nyń «Olımpııa» klýbynan eki oıynnyń qorytyndysy bo­ıynsha jeńilip, Eýropa lıgasyna túsip qaldy. Sóıtip, joǵary lıgada sátsizdikke ushyraǵan eki komandanyń joly Eýropa lıga­synyń úshinshi aınalymynda túıisip otyr.

Qazirgi tańda eki klýb ta toqy­raý kezeńin bastan ótkerip jatyr. Sebebi keıingi 10 jyldan beri Eýrokýbok básekeleriniń toptyq kezeńine qatysyp júr­gen bolgarııalyq klýbtyń bıyl­ǵy Eýrododa oıyndaryndaǵy nátıjeleri jan­­kúıerleriniń kóńilinen shy­ǵyp jatqan joq. «Lýdogores» birinshi kezeńde Kosovo chempıony «Balkany» komandasyn áreń jeńgenimen, ekinshi aınalymda Eýrokýbok oıyndarynyń toptyq keze­ńin­de birde-bir ret oınamaǵan «Olımpııa» klýbynan jeńilip qaldy. Al elordalyq ujymnyń ishki chempıonatta da, Eýro­kýbok básekelerinde de joly bolar emes. Keshegi oıyndaǵy goldy eseptemegende, el chempıon­dary qatarynan tórt match boıy qarsylas komandalardyń qaq­pa­synan sańylaý taba almaı jat­qan-dy. Sondaı-aq tórt oıynnan beri jankúıerlerin jeńisimen qýanta almaı júr edi.

Osy bir olqylyqtyń ornyn toltyrýǵa Grıgorıı Babaıan shákirtteri «Lýdogorespen» ót­ken keshegi matchtyń birinshi mınýtynan bastap shabýylǵa den qoıyp, qarsylas tarapynyń qaq­pasyn torýyldaýmen boldy. Nátıjesinde, «Astana» fýt­bol­shylary oıynnyń ekin­shi mı­nýtynda-aq kezdesýdiń ese­bin ashýy múmkin edi. Alaıda qor­ǵaýshy Iаn Vorogovskııdiń tepken doby qaqpa mańdaıshasyna tıip, keri qaıtty. Odan keıin de elordalyqtardyń uıymdas­tyr­ǵan shabýyldary nátıjesiz aıaqtaldy. Al qarsy shabýylǵa ıek artqan qonaqtar oıynnyń 33-mınýtynda kezdesýdiń esebin ashyp, «Astana» oıynshyla­ryn tu­ıyq­qa tirep tastady. Aıyp ala­­ńy­na qaraı asyrylǵan dopqa qo­naq­tardyń qorǵaýshysy Noa Son­ko-Sýndberg birinshi je­tip, Chondrıch qorǵaǵan qaqpanyń tó­mengi buryshyn dál kózdedi – 1:0.

Degenmen, «Lýdogores» fýtbolshylary men jankúıerleriniń qýanyshy uzaqqa sozyla qoıǵan joq. Arada jeti mınýt ótkende dál sondaı standartty jaǵdaı­dan Jarko Tomashevıch gol soǵyp, úziliske deıin tarazy basyn te­ńestirip ketti – 1:1.

Ekinshi taım bastala sala elordalyq fýtbolshylar birin­shi kezeńdegi basymdyǵyn jal­ǵastyryp, taǵy da qaýipti shabýyldar uıymdastyra bastady. Astanalyqtardyń birneshe um­tylysy sátsiz aıaqtalǵany­men, 53-mınýtta oń qaptaldan asyrylǵan dopty Aleksandr Marochkın basymen qaqpaǵa dál baǵyttady – 2:1. Kezdesýdiń so­ńyna deıin «Astana» fýtbolshylarynda esepti eseleıtin taǵy da birneshe múmkindik bolǵanymen, eki goldan artyq dop soǵýǵa shamasy jetpedi.

Endi eki klýb arasyndaǵy qa­rymta kezdesý 17 tamyz kúni Razgrad qalasynda ótedi. Eger elordalyq ujym eki oıyn­nyń qorytyndysy boıyn­sha «Lýdogoresten» basym túse­tin bolsa, onda Eýropa lıga­synyń pleı-off kezeńinde Nıder­landtyń «Aıaks» klýby­men kezdesedi. Al jeńilip qal­ǵan jaǵdaıda Konferensııa lıga­­synyń pleı-off kezeńinde «Val­mıera» (Latvııa) – «Par­tızanı» (Albanııa) jubynyń jeńim­pazymen oınaıdy.

Sondaı-aq búgin Konferen­sııa lıgasynda óner kórsetip jat­qan «Aqtóbe» jáne «To­byl» ko­mandalary úshinshi irik­teý kezeńindegi alǵashqy oıyn­da­ryn ótkizedi. Byltyrǵy el chem­pıonatynyń kúmis júl­degeri «Aq­tóbe» syrt alańda Rýmy­nııa­nyń «Sepsı» komandasymen oınasa, «Tobyl» Qostanaıda Sol­­tústik Irlandııanyń «Derrı Sıtı» komandasyn qabyldaıdy.