Birinshi aýyr salmaqta judyryqtasatyn otandasymyz Álı Baloev (12-1-1, 8 KO) kásipqoı boks sharshy alańyndaǵy kelesi jekpe-jegin Qytaıda ótkizedi.
Boksshylardyń statıstıkasyn júrgizetin BoxRec.com saıtynyń málimeti boıynsha, jerlesimiz óziniń 15-aıqasyn 10 qyrkúıek kúni Qytaıdyń Ýhan qalasynda ótkizýi múmkin. Ázirshe Baloevtyń qarsylasy kim ekeni belgisiz, biraq ol aýyr salmaqtaǵy WBO Global tıtýly úshin judyryqtaspaq.
30 jastaǵy Álı Baloev kásipqoı bokstaǵy eń keıingi jekpe-jegin osy jyldyń 18 naýryzynda Birikken Arab Ámirlikteriniń Dýbaı qalasynda ótkizip, tóreshilerdiń biraýyzdan shyǵarǵan sheshimimen reseılik Kýreısh Sagovtan (8-2-1, 4 KO) basym túsken bolatyn. Bir aıta keterligi, eki boksshy birinshi ret 2022 jyldyń qyrkúıeginde Máskeýde judyryqtasyp, sol aıqasta reseılik boksshy nokaýtpen jeńiske jetken edi.