Aýylda mal baǵyp, qoı qyrqyp júrgen «Torǵaı qyzdyń» oqıǵasy qyzyq. Shárıpa Jumabaıqyzyn búginde kóbi malshy qyz, aýyldaǵy jýrnalıst Bazarbaeva dep tanıdy. Bir kezderi telejúrgizýshi bolǵan qyzdyń ómiri áp sátte ózgerip sala bergen. Kúıeýi basshylyq qyzmetten, ózi telearnadaǵy jaıly jumystan bas tartqan.
Shárıpa Jumabaıqyzy jubaıynyń usynysyn qoldap, qazir aýylda mal baǵyp júr. Qaladaǵy qyzmetten ketken otbasynyń qyrdaǵy qyzyq tirligi búginde áleýmettik jeli qoldanýshylarynyń kóz aldynda. «Malshy qyz» óziniń jeke paraqshasyna qoı qyrqý, maldarǵa ekpe salý, emdeý degen syndy vıdeolardy jıi júktep turady.
Jaqynda «Aq jelken» jýrnalyna Shárıpanyń aýyldaǵy tirligi jaıynda «Torǵaı qyz», jas jýrnalıst jáne qyrdaǵy qyzǵaldaq» atty jazba jarııalandy. Onda jýrnalıst qyz namysqa tyrysyp kóp nárseni úırengenin aıtady. Sıyr saýyp, qaımaq, maı, irimshik, qurt, aıran – bárin bir ózi jasap otyr.
Úsh jyldan beri aýyl ómiri men mal baǵýdyń qyr-syryn meńgerip alǵan kelinshek: «Bul da bir ómirdiń ótýi kerek kezeńi shyǵar. Bilgenim, úırengenim ózime jaqsy. Árıne, armanym qyrda otyryp mal baǵý emes-tin. Biraq adamnyń degeni emes, Allanyń qalaýy bolady. Buıyrtsa bul jumystyń da bir yńǵaıyn shyǵaryp, qaıta efırge oralarmyn. Ol – ýaqyt enshisindegi dúnıe», deıdi.