Jastarǵa jeńildikpen shaǵyn nesıe berý baǵdarlamasy boıynsha 5,3 myńnan astam ótinim túsip, 3344 joba maquldandy, dep habarlaıdy Egemen.kz Úkimettiń baspasóz qyzmetine silteme jasap.
Memleket basshysynyń Qazaqstan halqyna Joldaýyn iske asyrý maqsatynda «Agrarlyq nesıe korporasııasy» AQ arqyly jastarǵa jeńildikpen shaǵyn nesıe berý tetigi iske qosylǵan. 10 tamyzdaǵy jaǵdaı boıynsha 5,3 myńnan astam ótinim túsip, 3 344 joba maquldandy. 2 577 jobany iske asyrýǵa 11,4 mlrd teńgege nesıe berildi. Qalǵan jobalar qarjylandyrylý ústinde.
Vedomstvonyń málimetinshe, nesıe alýshylardyń basym kópshiligi mal sharýashylyǵy, qyzmet kórsetý, saýda, ósimdik sharýashylyǵy jáne jeńil ónerkásip salalaryndaǵy jobalardy iske asyrýshylar.
Aıta keteıik, nesıe 21-35 jas aralyǵyndaǵy azamattarǵa óz kásibin ashý nemese ony keńeıtý úshin beriledi.
Jalpy 2023 jyly 29 mlrd teńge somasyna 5 796 shaǵyn nesıe berý josparlanyp otyr.