Astana qalasynda turmystyq káriz jelisiniń salynýyna baılanysty eki kósheniń qıylysy ýaqytsha jabylady, dep habarlaıdy Egemen.kz.
«Otyn-energetıkalyq kesheni jáne kommýnaldyq sharýashylyq basqarmasy jol qozǵalysy qaýipsizdigin qamtamasyz etý úshin Astana qalasynyń PD ákimshilik polısııa basqarmasymen kelise otyryp, turmystyq kárizdiń magıstraldyq jelilerin salý jónindegi jumystar bastaldy», delingen elorda ákimdiginiń resmı saıtynda.
Naqty aıtqanda, «Dıva» turǵyn úı kesheni aýdanyndaǵy Áıteke bı kóshesi men Q.Muhamedhanov kóshesiniń qıylysynda kólik qozǵalysy 24 tamyzdan bastap 10 qazanǵa deıin kezeń-kezeńimen shekteledi.
Turǵyndar men qonaqtarǵa joldarda kepteliske tap bolmaý úshin qozǵalys baǵytyn aldyn ala josparlaý qajettigi eskertilgen.