Horvatııanyń astanasy – Zagrebte ótip jatqan álem birinshiliginde elimizdiń jasóspirimder quramasy 1 altyn, 1 kúmis, 1 qola medal oljalady.
55 kılo salmaqta óner kórsetken Nurlan Isataev túrikmenstandyq Shahrýz Shanazarov, armenııalyq Lıova Sparıandy, amerıkalyq Iаng Djonatandy aıqyn basymdyqpen utyp, fınalda grýzııalyq Merabı Samadashvılıdi san soqtyrdy. Qyzdar arasynda Sabına Iýldashbekova 40 kıloǵa deıingi salmaqta beldesýge shyǵyp, el qorjynyna kúmis júlde saldy. Al qola júldeni 55 kılo salmaqtaǵy Oralbek Baızaq jeńip aldy.
Jasóspirimder arasyndaǵy atalǵan álem chempıonaty 27 tamyzǵa deıin jalǵasady. Aldaǵy kúnderi biz taǵy birneshe salmaq dárejesi boıynsha básekelerdi tamashalaımyz.