Qazaqstan Prezıdenti Qasym-Jomart Toqaev pen Tájikstan Prezıdenti. Emomalı Rahmon shaǵyn quramda kelissóz júrgizdi, dep habarlaıdy Egemen.kz Aqorda baspasóz qyzmetine silteme jasap.
«Sizben elordamyzda júzdesip otyrǵanyma qýanyshtymyn. Sizdiń saparyńyz bizdiń baýyrlas elderimiz arasyndaǵy shynaıy dostyq qarym-qatynasty odan ári nyǵaıtý turǵysynan zor mańyzǵa ıe. Elderimiz arasyndaǵy strategııalyq seriktestik, odaqtastyq qarym-qatynas týraly aıtýǵa tolyq negiz bar. Astanadaǵy tájik mádenıeti kúnderiniń ashylýyna Sizdiń arnaıy kelýińizdiń ózi kóp nárseni ańǵartady. Sizdiń saparyńyzdy joǵary baǵalaımyn», dedi Qazaqstan Prezıdenti.
О́z kezeginde Emomalı Rahmon Qasym-Jomart Toqaevpen halyqaralyq jáne aımaqtyq máselelerdi talqylaǵysy keletinin aıtty.
«Qurmetti Qasym-Jomart Kemeluly, shaqyrtýyńyzǵa, iltıpatyńyzǵa, qonaqjaılyq kórsetkenińizge kóp raqmet! Eń aldymen, búgin Sizben eki el arasyndaǵy qarym-qatynastyń ahýaly men perspektıvalaryn, sondaı-aq halyqaralyq jáne aımaqtyq máselelerdi talqylaǵym keledi», dedi Tájikstan Prezıdenti.