Magıstratýra men doktorantýraǵa túsý emtıhandary buryn qalaı boldy, endi ne ózgerdi? Bul suraqtarǵa Ashat Aımaǵambetov jaýap berdi, dep habarlaıdy Egemen.kz.
«Buryn ár ýnıversıtet óz betinshe emtıhan suraqtaryn ázirlep, ózderi emtıhan qabyldap, tekserip, oqýǵa qabyldaý týraly buıryq shyǵaratyn. О́zderińiz biletindeı buryn rektorlyq tizim bolatyn, tamyr-tanyssyz oqýǵa túsý óte qıyn edi» dep jazdy ol Facebook jelisinde.
«Biz magıstratýraǵa túsý emtıhandaryn UBT sııaqty bir ortalyqqa toptastyrdyq, emtıhan qabyldaý fýnksııasyn rektorlardan alyp tastadyq. Odan keıin elektrondy formatqa aýystyrdyq. Sonymen qatar grant emtıhan nátıjesi boıynsha jınalǵan upaıǵa qaraı bóline bastady. Osylaısha eń joǵary ball jınaǵan talapker grantqa ıe bolady da, ýnıversıtetti ózi tańdaıtyn boldy», dep jazdy ol.
Ol, sonymen qatar ıgerilmegen granttar boıynsha 2021 jyly emtıhandy jazda ǵana emes, jeltoqsanda da ótkizý múmkin bolǵandyqtan, bul da bilim alýshylarǵa qolaıly bolý úshin jasalǵanyn aıtyp ótti.
Osylaısha salystyra kele A. Aımaǵambetov doktorantýra boıynsha áli de biraz táýekel men ýnıversıtetterdiń yqpaly bar ekenin aıtyp, ony qosymsha qaraý kerek ekenin atap ótken.
«Birer jyl ýaqytta ondaǵan myń magıstrant pen doktorant oqýǵa tústi, tipti oqýyn aıaqtap ta úlgerdi. Bul reformalar jaqsy ózgerister ákeldi dep oılaımyn», dep túıindedi Ashat Aımaǵanbetov.