Qazaqstannyń Ońtústik Koreıadaǵy elshiliginde Qazaqstan Respýblıkasynyń Konstıtýsııasy kúnine arnalǵan dóńgelek ústel ótti, dep habarlaıdy Egemen.kz SIM baspasóz qyzmetine silteme jasap.
Vedomstvonyń málimetinshe, is-sharaǵa Koreıanyń Halyqaralyq ekonomıkalyq saıasat ınstıtýtynyń (KIIEP), Hangýk shet tilderi ýnıversıteti (HUFS) Ortalyq Azııany zertteý ortalyǵynyń basshylary men sarapshylary, «Ortalyq Azııa – Koreıa Respýblıkasy» yntymaqtastyq forýmy Hatshylyǵynyń ókilderi, Koreıa Respýblıkasynyń Qazaqstandaǵy burynǵy elshileri, sondaı-aq Ońtústik Koreıanyń BAQ ókilderi qatysqan.
«Dóńgelek ústel aıasynda Qazaqstannyń Koreıadaǵy elshisi Nurǵalı Arystanov koreı sarapshylaryn ótken jyly Qazaqstan Respýblıkasynyń Prezıdenti Qasym-Jomart Toqaev bastaǵan negizgi reformalarmen jáne qazirgi jaǵdaıdaǵy qazaq-koreı qatynastarynyń keleshegi týraly egjeı-tegjeıli tanystyrdy. Koreı qoǵamynyń ókilderi qabyldanǵan reformalardyń oń áserin atap ótip, qazaqstandyq qoǵamdy demokratııalandyrý deńgeıin joǵary baǵalady. Sondaı-aq, sarapshylar Qazaqstannyń tańdaǵan damý vektory ekonomıkalyq yntymaqtastyqty odan ári damytýǵa tyń serpin beretinine senim bildirdi», delingen habarlamada.