Qazaqstannyń úzdik tennısshisi Elena Rybakına Nıý-Iorkte ótip jatqan US Open jarysynyń úshinshi aınalymyna shyqty.
WTA reıtınginde tórtinshi orynda turǵan E.Rybakına týrnırdiń ekinshi aınalymynda álemniń 127-raketkasy aýstralııalyq Aıla Tomlıanovıchpen kezdesýi kerek bolatyn. Alaıda qarsylasy «Úlken dýlyǵa» týrnırin jalǵastyrýdan bas tartty.
Endi E.Rybakına kelesi kezeńde rýmyn Sorana-Mıhaela Kyrstıamen kortqa shyǵady. Egerde jerlesimiz qarsylasyn jeńse, onda WTA reıtınginde úshinshi orynǵa kóteriledi.