Memleket basshysy Qasym-Jomart Toqaev «Ádiletti Qazaqstannyń ekonomıkalyq baǵdary» atty Joldaýynda eldegi tarıf saıasatyna da túbegeıli ózgeris qajet ekenin aıtty, dep habarlaıdy Egemen.kz.
«Tarıf saıasatyn túbegeıli qaıta qaraý, tarıf belgileýdiń jańa ádistemesin engizý jáne ınvestorlardyń qyzyǵýshylyǵyn arttyrý qajet. Tabıǵı monopolııa sýbektileriniń bárine 5-7 jylǵa deıin kóńilge qonymdy naryqtyq tarıf engizgen jón. Iаǵnı, baǵa turaqty bolsa, ınvestısııany naqty josparlaýǵa múmkindik týady. Qarjy uıymdary da kásiporyndarǵa nyq senimmen nesıe bere alady», dedi Prezıdent.
Sonymen qatar ol monopolısterdiń jaýapkershiligin edáýir arttyrý qajet ekenin aıtty. Atalǵan salaǵa sıfrlyq baqylaý tásilderi engiziledi. Sol arqyly azamattar tarıftik smeta jáne ınvestısııalyq baǵdarlamalar týraly aqparat alady.