Serbııada jáne Qytaıda ótetin eki jarysqa Qazaqstan quramasynan 8 balýan qatysady. Bul týraly qaz_olympics ınstagram paraqshasynda jarııalandy, dep habarlaıdy Egemen.kz.
Qyrkúıek aıynyń 16-24 kúnderi Serbııada kúresten lısenzııalyq álem chempıonaty ótse, 23 qyrkúıek pen 8 qazan aralyǵynda Qytaıda Azııa oıyndary ótedi.
8 balýan ótetin kúnder aralyǵy óte jaqyn eki jarysta da beldesedi. Olar: Grek-rım kúresinen Álimhan Syzdyqov (130 kg), erkin kúresten Azamat Dáýletbekov (86 kg), Álisher Erǵalı (97 kg), Iýsýp Batyrmýrzaev (125 kg). Áıelder kúresinen Marına Sedneva (55 kg), Irına Kýznesova (62 kg), Elena Shalygına (68 kg), Jámıla Baqbergenova (76 kg).