Memleket basshysy Almaty oblysynyń aýyl sharýashylyǵy ónimderin óndirýshilerimen áńgimelesip, sharýalardyń óndirgen shubatynan dám tatty, dep habarlaıdy Egemen.kz Aqordanyń baspasóz qyzmetine silteme jasap.
Bir túıe satyp alyp búgingi tańda 5 myń basqa jetkizgen kásipker Sydyq Dáýletov Memleket basshysyna aýyl sharýashylyǵy salasyn damytýǵa qoldaý kórsetkeni úshin alǵysyn jetkizdi.
«Siz 2019 jyly Qytaıǵa barǵan saparyńyzda túıe sútin qurǵaq untaq kúıinde eksportqa shyǵarýǵa jol ashtyńyz. Túıe sútin tereń óńdeıtin zaýyt saldyq. Búgingi tańda Qytaıǵa túıe sútin eksporttap jatyrmyz», dedi kásipker.
Prezıdent kásipkerdiń óndirgen shubatyn iship, dámin kórdi. Aldaǵy ýaqytta da qoldaý kórsetetinin aıtty.