Qasym-Jomart Toqaev SINOPEC korporasııasynyń prezıdenti Iýı Baosaıdy qabyldady, dep habarlaıdy Egemen.kz Aqordanyń baspasóz qyzmetine silteme jasap.
Memleket basshysyna SINOPEC kompanııasynyń elimizdegi qyzmetiniń qorytyndysy jáne aldaǵy kezeńge arnalǵan jospary jóninde málimet berildi.
Áńgimelesý barysynda geologııalyq barlaý jáne munaı-gaz hımııasy ónimderin óndirý salalaryndaǵy yntymaqtastyq perspektıvalary talqylandy.
Prezıdent otandyq kompanııalardyń SINOPEC korporasııasymen ózara is-áreketi Qazaqstan men Qytaıdyń strategııalyq seriktestigin nyǵaıtýǵa yqpal etetinine senim bildirdi.
Sonymen qatar Qasym-Jomart Toqaev energetıka jáne hımııa salalaryndaǵy birlesken jobalardy júzege asyrý kezinde sý únemdeıtin tehnologııalardy engizý mańyzdy ekenine nazar aýdardy.