Prezıdent Qasym-Jomart Toqaev fýtboldan ulttyq quramany Eýropa chempıonatyna irikteý týry aıasyndaǵy kezekti jeńisimen quttyqtaý barysynda matchta gol soqqan Maksım Samorodovqa alǵysyn bildirdi, dep habarlaıdy Egemen.kz Aqordanyń baspasóz qyzmetine silteme jasap.
Soltústik Irlandııa quramasyna qarsy oıynnyń 27-mınýtynda esep ashqan «Aqtóbe» klýbynyń hám ulttyq qurama shabýylshysy Maksım Samorodovtyń goly enshimizge úsh upaı jazdy. «Tamasha gol soqtyń, unady» dedi Memleket basshysy fýtbolshynyń qolyn alyp.
Sonymen qatar Prezıdent jeńiske mastanyp bosańsýǵa bolmaıtynyn da eskertti. «Qazir qýanyshty kesh, biraq erteń jattyǵý» dedi fýtbolshylardy jigerlendirip.