Eńbekqor ákim

Elimizdegi saılaý júıesin jań­ǵyrýdyń jańa kezeńi ashyq qo­ǵam qurýǵa jasalǵan aıqyn qa­dam retinde qabyldanyp otyr. Saıa­sı partııalar arasynda báseke kúsheı­geni naýryzda ótken saılaýda aıqyn ańǵaryldy. 

Aýdandyq mańyzy bar qala, aýyl, kent jáne aýyldyq okrýg ákim­derin tikeleı saılaýǵa múm­kindik jasalǵaly beri aýyl basshysy bolýǵa talap qylǵan­dar­dyń deni saılaýǵa ózin-ózi usy­­ný tártibimen túse bastady. Bul qo­­ǵamdy demokratııalandyrý jo­­lynda jasalǵan mańyzdy qa­dam­nyń biri.

Memleket basshysynyń bas­ta­masymen qolǵa alynǵan «Ha­lyq únine qulaq asatyn memleket» atanýdyń basty sharty – aza­mat­tarmen tyǵyz qarym-qaty­nas ornatý. Qoǵam talabyna qulaq asyp, elge tańdaý jasaýǵa múm­kindik bergende ǵana ózi bas­qa­ra­tyn aımaqtyń máselesin jaqsy biletin azamattar is basyna kelmek.

Qyzylorda oblysy aýyl ákim­­deriniń saılaýyn ótkizýde jaq­sy tájirıbe qalyptastyrǵan aımaqtar qatarynda tur. Máse­len, 2021 jyly ótken 65 saı­laý­dyń 47-i tikeleı saılaý bolsa, byltyr óńir halqy 32 aýyldyń ákimin tańdaǵan. Bıyl turǵyndar 33 aýyldyń basshysyn tańdaý úshin daýys beredi. Búginge deıin 21 aýyldyń ákimi qaıta saılandy.

Aral aýdanynyń Jańa­qu­ry­lys, Qulandy, Jetes bı, Qa­zaly aýdanynyń Aqjona, Aryq­balyq, Sháken, Kólaryq, Birlik jáne Qy­zyl­qum, Jalaǵash aýdanynyń Ja­ńa­darııa, Aqqum, Myrzabaı ahýn, Mádenıet aýylynyń ákim­deri jańadan saılandy. Qar­maq­shy aýdanyndaǵy Aqtóbe men Aldashbaı ahýn, Syrdarııa aýda­nynda Aqjarma, Jańa­qo­rǵan aýda­ny­nyń Jańa­ryq, Súttiqudyq, Qara­tó­be, Qyrkeńse aýyldyq okrý­giniń ákimderi aýysty. Al Qyzylor­da qalasynda Aqsýat aýyldyq okrý­gi­ne jańa ákim saılandy.

Oblystyq saılaý komıssııa­sy­­nyń tóraǵasy Ádilbek Ersul­ta­novtyń aıtýynsha, jyl aıaǵyna deıin ókilettigi aıaqtalǵan taǵy 12 kent jáne aýyldyq okrýgte ákim saılaýy ótkizilmek.

– Aýyl ákimderiniń saılaýy zań talaptaryna saı, ádil ári ashyq túrde ótkiziledi. Turǵyndar aýyl­dyń áleýetin kóterý úshin ın­vestısııa tartýǵa yntaly, áleý­­­­­mettik máselelerdi sheshýge nıetti, týǵan jerine janashyr aza­mat­tar­dy tańdap daýys berip jatyr. Árı­ne, «bárine qarsymyn» degen bel­gini de tańdaıtyndar joq emes. Bir ereksheligi, saılaýǵa túsken aza­mattardyń 92,8 paıyzy ózin-ózi usyný jolymen baq synady. Iаǵnı azamattyq usta­ny­my aıqyn, bi­lim­di kez kelgen azamattyń kandıdat bolýǵa múm­kin­digi bar, – deıdi ob­lys­tyq saılaý komıssııasynyń tóraǵasy.

Turǵyndarmen etene aralasatyn aýyl ákimin tańdaýdy el­diń erkine salý eldi mekendegi kez kelgen máseleni  jedel ári tıim­di sheshýdiń bir tetigi. Ári bul bılikke talapty jastardyń kelýine jol ashady.

Áńgimemiz turǵyndarmen bir­ge aýylyn tazalap júrgen ákim­nen bastalyp edi ǵoı. Ol oblystaǵy eń jas ákim Elnur Elshekenov bolyp shyqty. Jaqynda jıyrma jetige tolǵan ol ózi turatyn Jańaqurylys aýylyna basshy tań­daǵanda saılaýǵa ózin-ózi usy­nypty.

Jas ákim osyǵan deıin mal shar­ýa­shylyǵymen aınalysatyn qo­ja­lyq tóraǵasy retinde bastama kóterip, aýyldardaǵy aryqtardy tazalap, baqsha egetin­der­diń jerin jyrtyp, jolyn tegistep berip ke­lipti. Túrli is-sha­ra­­lardan qalys qalmaı, qaıy­rym­dylyq tanytqan kezi kóp.

– Bizdegi negizgi tirshilik – mal shar­ýa­shylyǵy. Aýyldaǵylar jazda qysqy jemshóbin qamdap alady. Osy baǵytta qolaıly jaǵ­daı jasaý úshin elmen birlesip jumys isteımiz. Tek malmen ǵana shek­telip qalǵymyz kelmeıdi. Osy kúnge deıin qajetti kókónis­ter­di syrttan aldyryp keldik. Biraq munyń óziń ekkendeı bolmaıtyny belgili ǵoı. Osy rette aýylda  baý-baqsha egýge talap qylyp otyrǵandardyń basyn qosyp, olardyń bos jatqan jerlerge baqsha egýine jaǵdaı jasaýymyz kerek. Bul baǵytta úlken josparym bar. Bári de ret-retimen oryndalady degen oı­damyn,– deıdi jas ákim.

Bıyl alǵash ret respýblıkada 45 aýdan jáne oblystyq mańyzy bar qala ákimderi tikeleı saıla­na­dy. Olardyń qatarynda aı­maq­tan 2 aýdanǵa ákim tańda­lady. Bas­ty­sy, bıliktiń ınstıtýttaryn ja­ńartýdyń bul bastamasyn el qoldap otyr. Ákimderdi saılaý el erteńin oılaýdyń qamy ekendigine kóz jetti.

Demek «Ákim bol, halqyńa ja­qyn bol» degen támsildiń salmaǵy arta túser kezeń áli alda.

Qyzylorda