Qazaqstannyń Syrtqy ister mınıstri Murat Nurtileý Túrkııa ýnıversıtetteri Qazaqstanda fılıaldaryn ashýdy josparlap otyrǵanyn aıtty, dep habarlaıdy Egemen.kz.
Bul týraly QR SIM basshysy Túrkııa Syrtqy ister mınıstri Hakan Fıdanmen ótken brıfıngte málimdedi.
«Qazaqstanda jetekshi túrik ýnıversıtetteriniń fılıaldaryn ashý máselesi qarastyrylyp jatyr. Túrkııanyń joǵary oqý oryndarymen qos dıplomdyq baǵdarlamalardy júzege asyrý boıynsha tıimdi yntymaqtastyq júrgiziledi. Sońǵy úsh jylda Túrkııada bilim alatyn qazaq stýdentteriniń sany 2900-den 8200-ge deıin ósti», dedi mınıstr brıfıng barysynda.
Aıta keteıik, buǵan deıin Túrkııa Syrtqy ister mınıstri Hakan Fıdan Qazaqstanǵa resmı saparmen kelgenin habarlaǵan edik. Bul onyń Qazaqstan Respýblıkasyna alǵashqy sapary boldy.