Úkimet qaýlysymen Baýyrjan Mádıuly Syzdyqov Tótenshe jaǵdaılar vıse-mınıstri bolyp taǵaıyndaldy, dep habarlaıdy Egemen.kz Úkimettiń baspasóz qyzmetine silteme jasap.
Baýyrjan Mádıuly Syzdyqov 1973 jylǵy 14 maýsymda Shymkent oblysy Bógen aýdany Zadarıa aýylynda týǵan.
2000 jyly Qazaq Memlekettik medısınalyq ýnıversıtetin bitirgen, gıgıenıst-epıdemıolog dárigeri, 2010 jyly Reseı Federasııasy Tótenshe jaǵdaılar mınıstrliginiń Azamattyq qorǵaý akademııasyn bitirgen.
Sonymen qatar «Komandalyq-shtabtyq operatıvti-taktıkalyq azamattyq qorǵanys» mamandyǵy boıynsha basqarý salasyndaǵy mamany, al 2019 jyly Máskeý qalasyndaǵy «Sınergııa» Máskeý qarjy-ónerkásip ýnıversıtetin «Quqyqtaný» magıstrin támamdaǵan.
2001-2009 jyldar aralyǵynda Ońtústik Qazaqstan oblysy TJ basqarmasynyń aǵa ofıseri, 2010-2012 jyldar aralyǵynda QR TJM Azamattyq qorǵanys departamentiniń halyq pen aýmaqty qorǵaý basqarmasynyń bastyǵy qyzmetin atqarǵan.
2012-2014 jyldar aralyǵynda QR TJM Aqtóbe oblysy TJD bastyǵynyń orynbasary, 2014-2015 jyldar aralyǵynda QR IIM TJK Aqtóbe oblysy Tótenshe jaǵdaılar departamentiniń bastyǵy bolǵan.
2015-2019 jyldar aralyǵynda QR IIM TJK Aqtóbe oblysy Tótenshe jaǵdaılar departamentiniń basshysy qyzmetin atqarǵan.
2019 jyldyń qarasha aıynan bastap QR IIM TJK Astana qalasy Tótenshe jaǵdaılar departamentiniń bastyǵy qyzmetinde boldy.