Jeksenbi kúni Portýgalııa jaǵalaýyndaǵy shaǵyn qalanyń turǵyndary kóshelerinde qyzyl sharaptyń ózendeı aǵyp jatqanyn kórip tań qaldy. Jergilikti «Levira» spırt zaýytyna tıesili eki sısterna jarylyp, qala kóshelerine 2,2 mıllıon lıtr alkogol tógildi, dep habarlaıdy Egemen.kz New York Post basylymyna silteme jasap.
Áleýmettik jelide taraǵan vıdeoda 2000-ǵa jýyq turǵyny bar shaǵyn Anadııa qalasynyń kóshelerinde qyzyl suıyqtyq aǵyp jatqany beınelengen.
Tógilgen sharaptyń kólemi olımpıadalyq júzý basseıniniń kólemine teń boldy.
Qala bıligi ekologııalyq eskertý jarııalap, tógilgen alkogol jergilikti Chertıma ózenine qosylmaýy úshin dereý áreketke kiristi.
Jergilikti BAQ-tyń habarlaýynsha, Anadııanyń órt sóndirý bólimi sharap tasqynyn bógep, ony ózennen buryp, jaqyn mańdaǵy egistikke baǵyttady.
Sondaı-aq órt sóndirýshiler spırt zaýytynyń janyndaǵy úıdiń jertólesin tolyǵymen sharap basyp ketkenin habarlady.
«Levira» spırt zaýyty keltirilgen barlyq shyǵyndy óz moınyna alatynyn habarlap, sharapqa malynǵan topyraqty qazyp aldy.