Kóliktegi polısııa departamentinde Prezıdenttiń «Ádiletti Qazaqstannyń ekonomıkalyq baǵdary» atty Qazaqstan halqyna Joldaýyndaǵy tapsyrmalardy oryndaý aıasynda aldaǵy atqarylatyn jumystar talqylandy. Oǵan Astana qalasy máslıhatynyń depýtattary, departamenttiń basshylyǵy men jeke quramy, sondaı-aq onlaın rejımde qosylǵan jelilik bólimshelerdiń qyzmetkerleri qatysty, dep habarlaıdy Egemen.kz Ishki ister mınıstrliginiń baspasóz qyzmetine silteme jasap.
Kezdesýdi ashqan departament bastyǵy Baqytjan Malybaev jınalǵandarǵa Memleket basshysy Qasym-Jomart Kemeluly Toqaevtyń atalǵan strategııalyq qujatta ishki ister organdarynyń aldyna qoıǵan basym mindetterin jetkizdi.
«Zańdylyq pen qoǵamdyq tártipti saqtaý isi Memleket basshysynyń udaıy nazarynda. Prezıdent jańa Joldaýynda da elimizde zań ústemdigi men ádildikti saqtaý qajettigin málimdedi», dedi B.Malybaev.
Otyrys barysynda Astana qalasy máslıhatynyń depýtaty Talǵat Erǵalıev sóz alyp, Joldaýdyń negizgi erejelerine keńinen toqtaldy.
«Prezıdent usynǵan bastamalar eldegi júrgizilip jatqan reformalardyń zańdy, ıaǵnı basty maqsat – qýatty ári qaryshtap damyǵan memleket qurý. Memleket basshysy azamattardyń ómir súrý deńgeıin arttyrýdyń, eldegi qaýipsizdiktiń, beıbitshilik pen turaqtylyqtyń memlekettiń basty nazarynda ekenin taǵy da nyqtap aıtty», dedi máslıhat depýtaty.
«Búgingi kúni polıseılerge aıyryqsha jaýapkershilik júktelip otyr. Sizder halyqpen tyǵyz qarym-qatynasta jumys istegendikten, qyzmetterińiz azamattardyń quqyqtary men múddelerin qorǵaýǵa, sondaı-aq zańdylyq pen ádilettilik qaǵıdatyn qamtamasyz etýge baǵyttalýy tıis», dep atap ótti Amanat partııasy tóraǵasynyń keńesshisi Shyńǵys Qojahmetov.
Ol polıseılerdiń nátıjeli eńbek etip, zańǵa jáne Qazaqstan halqyna adal qyzmet etetinine senim bildirdi. О́z kezeginde is-sharaǵa qatysýshylar Jodaýdyń ózektiligine basa nazar aýdaryp, Memleket basshysy usynǵan reformalardy iske asyrýda azamattardyń shoǵyrlanýy qajet ekendigin aıtty.
«Polısııa qyzmetkerleri Memleket basshysy alǵa qoıǵan mindetterdiń sapaly oryndalýyn qamtamasyz etýge, naqty nátıjelerge qol jetkizý úshin barlyq kúsh-jigerlerin jumyldyrýy tıis», dep departament bastyǵy otyrysty qorytyndylady.
Kezdesý sońynda mekeme bastyǵy Amanat partııasynyń ókilderine Prezıdent Joldaýyn talqylaýǵa belsendi atsalysqandary úshin alǵys bildirip, jumystaryna tabys tiledi.