Buǵan deıin «Qazaqstandaǵy ınternet Tokıoǵa qaraǵanda jaqsyraq» degen málimdeme jasaǵan Sıfrlyq damý, ınnovasııalar jáne aeroǵarysh ónerkásibi mınıstri Baǵdat Mýsın ádeýmettik jeli qoldanýshylarynyń synyna ushyraǵan edi. Búgin Úkimette ótken baspasóz máslıhatynda mınıstr elde baılanys sapasyna qatysty máseleler bar ekenin moıyndady, dep jazady Egemen.kz.
Mınıstr jelide paıda bolǵan otstavkaǵa ketý týraly petısııany da kórgenin jasyrmady.
«Biz resmı málimetterge súıenemiz. Internettiń sapasyna qatysty máseleler bar dep oılaımyn ba? Iá, bizde Qazaqstanda sapa máselesi bar ekenin moıyndaımyn. Qazaqstan azamaty retinde men de siz sııaqty ınternetti paıdalanamyn. Mende jeke ınternet joq. Turǵyndarda bolatyn baılanys sapasyna qatysty máseleler mende de bolady. Sondyqtan biz operatorlarǵa naqty mindetter qoıamyz. Al men aı saıyn bazalyq stansııalardy ornatý máselesin qadaǵalap otyramyn», dedi Baǵdat Mýsın.Eske sala ketsek, osy jyldyń shilde aıynda Baǵdat Mýsın Speedtest Global Indeh málimetine súıene otyryp, Astana ınternet sapasy boıynsha Tokıony basyp ozǵanyn málimdegen edi.